Sunday, May 14, 2006

خــســكــم الله



هذي آخرتها... مدخل منطقتنا يشوه بهذه اليافطة القبيحة، خسكم الله

نداء أخير من نائب دخل علينا من حيث لا ندري، يعتلي دبابة الخدمات وشراء الذمم، مسلحاً بخزينة أموال ونفوذ من يدعمه من أصحاب المصالح

نائب صمت دهراً ونطق كفراً، لم نسمع له صوت أو تصريح أو جملة مفيدة منذ فوزه بمقعد النيابة

يا أخي ما انت ملزوم توافق على تقليص الدوائر ما دام انها تهدد مصالحك بشكل مباشر، بس هم الستر زين... وإن بليتم فاستتروا

أهم شي لا لقمع الناخب وإهمال مطالبه

*******

ما علينا منه... موعدنا مساء الأحد من الساعة السادسة مساءً وطوال الليل لغاية موعد الجلسة صباح الاثنين

إذا ما عندكم وقت أو ما فيكم حيل تسهرون الليل كله، شاركوا في التجمع حتى لو نصف ساعة على الأقل لمجرد التعبير عن مساندة هذه القضية الوطنية العادلة... ولو أن الحكومة شكلها ناوية على شر

29 comments:

  1. توني مصورها

    صور ندوة النيباري موجودة عندي

    و مكان المدونين خالي

    ReplyDelete
  2. ولا يهمك يا زيدون ولا توصي، راح تكون سهرة حلوة مع كل من يحب الكويت.

    ReplyDelete
  3. اي والله خسكم الله ... اشكره نبي نبوق

    الله يعين... والوعد اليوم انشاءالله

    ReplyDelete
  4. شباب ماتعتقدون جذي ماراح يكون فيه وقت تجتمع الناس فيه كلها ويا بعض .. يعني الوقت من 6 المغرب ليه الصبح فترة طويلة الناس راح تيي على فترات مختلفة وماراح يكون في تركيز .. ليش ما تحطون فترة الذروة مثلا وقت المغرب الساعه 6 وبعدين الفترة الثانية الصبح قبل الجلسة عشان تيمعون اكبر عدد من الناس فيه وقت واحد واللي يقدر يقعد طول الوقت يقعد .. ولا شرايكم

    ReplyDelete
  5. unfortunately, I wont be able to spend the whole night. So I'll be there today and will go again next morning.

    Zaydoun, I'm expecting 'hamba'

    ReplyDelete
  6. زيدون

    توني شايفتها عند دوار فهد السالم صوب الشاميه

    بغيت ادعم و انا اقراها

    حسبي الله عليهم دودهونا

    ReplyDelete
  7. توني شايفتها عند تقاطع الدائري الأول مع طريق المغرب

    عصير المانجا علي

    ReplyDelete
  8. هذا من صجه؟

    أكيد هذا إللي غنى
    أنا ما استحيش
    أنا ما استحيش

    على وزن انا ما اتنسيش

    وناطرين الهمبة ... بس انت متخيل شكلنا واحنا قاعد ناكلها والعصير يقطر

    فشششششششششششلة

    ReplyDelete
  9. نانو... شفت اللي تقولين عنها، بس هذه عند مدخلنا. رحت جبت الكاميرا ورجعت عشان أصورها

    أهم شي لا لقمع الناخب وإهمال مطالبه.. انزين انا ناخب وأبي 5 دوائر، عطوني مطالبي

    ReplyDelete
  10. alia

    لبسوا برتقالي عشان القواطير والريغة ما تبين

    ReplyDelete
  11. ترى الهمبة بالحر تذبح
    pink lemonade.. or ice tea يبيلنا


    وعساكم عالقوة

    ReplyDelete
  12. شباب الريد بول عليي:)

    فعلا نبي انعرف شنو انييب معانا حق السهره ، لانه انا قاعد وماراح امشي ، الكويت اهم من قعدة البيت والبراد
    بقعد بالخيسه وبخيس عشان الكويت

    نبي اقتراحات حق السهره .. شنو انيييب عشان لا نتوهق وكلساعه اندق على احد اييبلنا شي ، نبي انروح جاهزين

    عندي إحساس انه اليوم راح يكون احلى يوم يمر ابحياتي ...

    ولله يالكويت انتي تستاهلين روحي ، كنت اتمنى بالغزو انه يكون عمري يسمحلي بالمقاومه بس للأسف ،

    شدوا حيلكم شباب ، ونبي الهدووووووووء ، مانبي انفعالات

    وانشالله صوتنا بيكون اقوى صوت وعن
    مليون بشت ومنصب وقرار

    جنه الهمب شوي لوويه :)

    ReplyDelete
  13. عاد والله كيفكم... قلنا همبة والحين انحطت بالجرايد والتزمنا فيها

    ReplyDelete
  14. This comment has been removed by a blog administrator.

    ReplyDelete
  15. بس مع كل همبه قوطي كلينكس .. الصراحه انا بعضها من فوق وبقطها ، لاني اذا دشيت ابتفاصيلها مو بس بلوزتي بتكون برتقاليه ، حتى ويهي بيصير برتقالي :)

    يعطيك العافيه زيدون وما قصرت

    أنا توي داز رسائل لأغلب المحطات الإخباريه ، مع اني ادري انه يدرون ابكل صغيره وكبيره اتصير بالكويت بس هم دزيت

    ReplyDelete
  16. kuwaitvoice

    زين سويت.. لازم كل أجهزة الإعلام تكون متواجدة

    بالنسبة لعفيسة المنجة... راح اجيب محارم ورق وأكياس زبالة عشان القشور، ومالنا خلق يقولون عنا وصخين

    ReplyDelete
  17. msabah... the music will be taken care of. Anasheed wa6aniya, Sanaa Al-Kharraz and all.

    ReplyDelete
  18. راح نكون متواجدين أن شاء الله


    zaydoun

    دايت بيبسى أحسن من الهمبة

    soud

    ReplyDelete
  19. انشاءالله ما راح ينقص عليكم شي، واذا نقص سيارتي موجودة ومركز سلطان كاهو... والقهوة لشعبية وراكم

    كان ودي ستاربكس يتبرعون بمحطة قهوة متنقلة من اللي يحطونهم بالمناسبات والمعارض

    ReplyDelete
  20. يا جماعة لا زم نسجل موقف اليوم خل يدرون أن الشعب مو راضى على المسخرة اللى قاعدين يسوونها

    باجر أقرت الدوائر والا ما أقرت نكون سجلنا موقف ووصلنا الرسالة والرسالة تقول الشعب يبى الأصلاح وانتهى عصر الفساد

    راح أجيب وياى 3 دايت بيبسى واحد حقى وواحد حق بوناز وواحد حق كلة مطقوق

    سعود

    ReplyDelete
  21. على راسي سعود

    شدراك أشرب دايت؟؟

    عموما الساعة الحين 4 33

    لا زلت بالدوام و برد البيت أسبح و اطلع مع زوجتي عالعشاء و أييكم باليل انشاءالله زززأي شي تبون حاضرين

    خاصة البيض

    ملاحظة: وين الحمامات؟؟؟

    ReplyDelete
  22. مطقوق

    القلوب شواهد، توه طرى عليه نفس السؤال...أعتقد القهوة الشعبية بتشوف اكبر عدد حضور في تاريخها الليلة، بس أغلبهم يبون بس الحمامات

    ReplyDelete
  23. أخجل من أن أصحح لشيخ المبلوغيين - لكن لساني الطويل له أحكام

    أعتقد أن 'مقعد نيابي' أصح من 'مقعد النيابة' , و على كل فوز النائب المقصود كان نائبة النوائب

    لغربتي و لحساسيتي من المنجا سآكل البرتقال في شقتي و قلبي و معدتي معكم

    The orange-fairy

    ReplyDelete
  24. shosho.. long time no see. I stand corrected!

    msabah.. what time will u be there? I might take a break from the heat and join you for a quick burger.

    كله ولا الحر

    ReplyDelete
  25. www.nuks.org have full coverage

    ReplyDelete
  26. صور الجلسة بعد قليل بمدونتي

    ReplyDelete

Keep it clean, people!