Monday, November 14, 2005

الله ينور عليكم

من مدة طويلة وهم يحفرون بالرصيف الوسطي في شارع دمشق بالجزء اللي يمتد بين الدائي الثالث والدائري الثاني - شارع الحب، بين النزهة والفيحاء... مادري إذا صج الرصيف يبيله تصليح والا مشروع تنفيعي من اللي تعودنا عليهم

دايماً لما كنا نمر بالليل على الجزء اللي فيه التصليحات يكون الشارع ظلمة.. خرمس.. يوحش.. لأنهم شالعين الشبات من الرصيف.. والربع ما همتهم الظلمة وماشين على عادتهم بالبتوينات وانعدام آداب الطريق

بس البارحة لما مريت من هناك لقيت الأشجار (الطبيعية طبعاً) عليها لمبات بيضا على طول الشارع، كأنه عروس أيام أول أو حتى زينة كريسماس (والعياذ بالله)... كان منظر جميل ببساطته وفايدته

نوروا الشارع لنا الله ينور عليهم

6 comments:

  1. بغيت ادعم امس بسبتهم ... دودهوني و يعورون العين

    ReplyDelete
  2. يا معودة أحسن من الخرمس

    ReplyDelete
  3. هذا مشروع تغرييبى للروضه و المناطق المجاوره يراد به شر لهم

    ReplyDelete
  4. Bu Zee:
    يقولون أن أهالي المنطقتين أهمه اللي حاطين هالأضاءه مو وزارة الأشغال

    ReplyDelete
  5. Tata... I want the first one!

    ReplyDelete

Keep it clean, people!