الــغــرفــة

ذهبت للتو لأدلي بصوتي في انتخابات غرفة التجارة والصناعة، اللي يشوفني يقول ماشاءالله راعي وكالات وشركات

بصراحة رحت عن الحسافة لأن عندي كم صوت ومابي أضيعهم بدون ما أمارس حقي الديمقراطي، مع اني ما عندي أي فكرة شنو راح تفيدني الغرفة شخصياً، ولا فارقة معاي إذا فاز زيد أو سقط عبيد

عندما رأيت الزحمة عند الباب و ما كان لي خلق أنطر، أعلنت بأعلى صوتي يا جماعة اللي بيدخلني بسرعة راح أصوت له!! وإذا بالجموع الغفيرة تبتعد لتفسح لي الطريق تماماً مثل قصة النبي موسى عليه السلام ومعجزة البحر الأحمر ... هالله هالله بفلان، وهالله هالله بعلاّن

أدليت بأصواتي حسب الطريقة الكويتية التقليدية، فأعطيت اللي أعرفهم وطنشت اللي ما أعرفهم

هذه الديمقراطية الكويتية وصل على النبي