Tuesday, February 20, 2007

الــكــويــت تــســتــاهــل

تحديث: سوف يبقى هذا البوست/الموضوع قائماً حتى انتهاء فعاليات هلا نصف فبراير... أتمنى المزيد من المشاركة

Keep 'em coming!


تنطلق اليوم فعاليات مهرجان هلا نصف شهر فبراير، وشعار المهرجان لسنة 2007 هو الكويت تستاهل... وبما أنه لم تحدد اللجنة المنظمة ما الذي تستاهله الكويت بالضبط، أخذت على عاتقي مشاركتكم ببعض ما لدي

نعم الكويت تستاهل - وليس لأسبوعين فقط

تستاهل الحب
تستاهل الولاء لها ولأرضها
تستاهل الحفاظ على كرامتها
تستاهل الحفاظ على أملاكها
تستاهل حمايتها من الحرامية والمرتزقة
تستاهل حمايتها من الغلو والتطرف
تستاهل أن يتعلم أبنائها أفضل تعليم


لكن الكويت أيضاً لا تستاهل الآتي

لا تستاهل قمع الحريات وتكميم الأفواه
لا تستاهل السلب والنهب الذي تتعرض له جهاراً نهاراً
لا تستاهل اهمال شعبها وحكومتها لممتلكاتها
لا تستاهل تحويلها إلى دولة دينية
لا تستاهل الصراع الدائر بين حكامها ومشرعيها
لا تستاهل انحدار مستوى التعليم والصحة
لا تستاهل حرمانها من الفرح والفن


بإمكاني أن أسترسل إلى الأبد...لكني أفضل فتح باب المشاركة هنا، فتفضلوا وشاركوني بما لديكم

28 comments:

  1. الكويت تستاهل الواحد يبديها على نفسه و يرزها مثل ما اهي رازته و يعزها مثل ما اهي عازته

    دايم اقول اني طول عمري احب الكويت بس الغربة و الغزو اهم اللي صقلوا و شكلوا و جسدوا حبي للكويت و علموني ان حبي للكويت مو حب رفاهية لكنه حب اجباري لأني فعلا مو بس كلام

    ما اسوى شي من غير وطني و ديرتي و حبيبتي الكويت

    اتمنى فعلا السياسيين يرفقون بنا و بالكويت و محد يتبع سياسة الأرض المحروقة مثل ما قاعدين نشوف بالدول الأخرى

    بوست ممتاز بو الزيد , مزاجك صبّاحي

    ReplyDelete
  2. الكويت تستاهل


    اكثر من هل مهرجان

    ReplyDelete
  3. و أنت تستاهل جائزة أفضل مدونة كويتية.
    برافو زيدون.

    ReplyDelete
  4. الكويت تستاهل يلغون مهرجان هلا فبراير
    مهرجان على مستوى الدولة؟؟
    ما فيه دعاية مثل الأوادم
    ما فيه عروض تستاهل
    حتى الحفلات الغنائية طبق الأصل عن كل سنة
    ويننا إحنا ووين مهرجانات دبي وإلا الدوحة .. الواحد يستحي يتكلم

    ReplyDelete
  5. الكويت تستاهل:
    حكومة أفضل
    مجلس أفضل
    مسؤولين أفضل
    بلدية أفضل
    تشيلون المهرجان و نرتبونه نفس الناس أفضل !

    ReplyDelete
  6. الكويت ماتستاهل ان بكون شعبها غبي

    ReplyDelete
  7. أتمنى أعرف الميزانية المحددة للمهرجان!
    لسببين ...

    1- هل هو استثمار ناجح؟
    2- الأهم .. وين تروح الفلوس؟

    ReplyDelete
  8. I deserve to hit the slopes for two weeks and run away from it all :p

    ReplyDelete
  9. alkuwait testa7el e7na na3mal min ajel masla7at alkuwait...

    kafina te7el6um ow bas yallla ygool shofoo dubai..shofoo qatar...how about we the people nad3am almahrajan...badal ma e7na ga3deen fi byoutna ow bas yallah nenteqed..

    al3eeb fina...ow athaker
    "la you'3a yero allah ma be qawmen 7ata you'3ayero ma be anfusehem"

    stop being lazy and try to work for your country instead of whinning and wishing ur like this country to that country

    ReplyDelete
  10. الكويت تستاهل

    جو أبرد
    شعب أرقى
    جيران أفضل
    أصدقاء أوفى

    وتستاهل

    ألا يحل صاحب الرأي محل المفتري في سجونها
    وألا يؤمها من توشح بالدين لمآرب دنيوية
    وألا يحفظ خيراتها إلا القنوع
    وألا يسعى لها إلا من أحبها بالفعل و بتجرد
    وألا يهجرها المخلص الدؤوب من أبنائها
    وألا يقطنها من قايض ذمته بالتوافه
    والكماليات

    ديرتي تستاهل كل خير والسؤال: هل نحن جديرون بها؟

    ReplyDelete
  11. باختصار

    الكويت تستاهل العمل ثم العمل ثم العمل
    وبسنا تنظير وقرقه و (طأ حنك) لكن المشكلة بالضمير الغائب تماما عند بعضنا
    والله خير حافظ

    ReplyDelete
  12. الكويت تستاهل انردلها جميلها كامل
    لان الحق ما يتجزأ
    يعطيك العافية

    ReplyDelete
  13. الكويت ما تستاهل جريدة الوطن

    الكويت تستاهل صحافة راقية

    الكويت تستاهل انترنت محترم نفس بقية دول العالم

    الكويت تستاهل نظام بريدي عالمي

    الكويت تستاهل أن نحافظ على دستورها

    الكويت تستاهل نواب يحطون مصلحتها قبل مصالحهم الخاصة

    الكويت ما تستاهل تجار جشعين
    الكويت تستاهل تجار تساهم في نمو المجتمع

    I could go on forever, but let's stop there

    ReplyDelete
  14. يصير نشارك مرتين؟

    ReplyDelete
  15. KM

    يصير افا عليك، مرتين وثلاث واربع.... يا معود خل أحس انه أكو ناس تشارك

    ReplyDelete
  16. اشكرك بو الزيد

    اعتقد الكويت تستاهل ان تستمر و تستاهل ان نتعامل معها على انها بلد ابناءنا و أحفادنا و ناخذ الأمور بجدية شوي

    ادري مليقة بس شسوي بروح انام من التعب

    ReplyDelete
  17. Kuwait is now a country barley surviving amidst its vicious neighbors. It deserves our unity to have stable internal affairs to be able to confront the foe outside. But reality hits us on the head, when we realize that our internal affairs are anything but stable; a crisis management government against a weak and ignorant parliament, sectarianism on the rise due to the events around, corruption when the country lacks law and order, and a long line of consumerisms. Not to mention dirty stage shows behind the scenes, or degradation of all governmental services, which are the citizen’s basic rights, from electricity to water to health and most importantly to proper education and not that of the biased, politically directed one.
    Yes, Kuwait deserves the best; it just does not deserve us.

    ReplyDelete
  18. احييك على هالبوست ...

    ما اقدر ازيد على اللي قالته ايا لانه فعلا الواقع

    والكويت تستاهل احسن

    تحياتي

    ReplyDelete
  19. Ayya
    Kuwait deserves more people like you :*

    ReplyDelete
  20. زيدون

    ترى صارلي كم يوم أحاول "أشارك" وأقول اللي تستاهله الكويت واللي ما تستاهله، بس القريحة معاندتني

    ما عندي شي

    ReplyDelete
  21. الكويت تستاهل وتستاهل وتستاهل ...الي مايسمى / الرجال الحكماء / بموت عبدالعزيز الصقر وعبدالعزيز حسين وابتعاد د.احمد الخطيب ومحمد العدساني طوعيا...اصلا ما يدزون عليهم الا حق العزايم...انظر مستشارين دولة الحكم الجدد حاليا وانت تعرف كيف تدار الدوله...كل مسؤل سابق مسوي خمال عينوه مستشار...بخمسة الاف دينار وسياره كان يحلم ان يركبها ولا ننسى اعمارهم وخبرتهم
    >نستثني بكل امانه العتيقي ومحمد سيد علي<

    ReplyDelete
  22. Kuwait deserves less foam spray...

    ReplyDelete
  23. is it true that police give tickets to those who happen to carry pictures or car stickers of baba jaber or any other ruler?!

    ReplyDelete
  24. yey am the 25th & the 26th comments =} wohoo!

    you can tell little things make me happy, have a memorable 25th & 26th

    ReplyDelete
  25. This comment has been removed by the author.

    ReplyDelete
  26. الكويت ما هي إلا مجموع الكويتيين ... هل أكثرية الكويتيين هالأيام يستاهلون ... ما أعتقد

    وعليه ... الكويت تستاهل كويتيين يستاهلون أصلاً

    والله يا زيدون صارلي فترة قاعد أفكر بهولوكوست "إداري دستوري" حق خمة جنسناهم في الستينات وقاعد يتكاثرون مثل الجراد وياكلون الأخضر واليابس

    الكويت تستاهل إن يطلع قانون يقول ما ينفع يرشح نفسه واحد دخل الكويت بعد سنة 1930 علشان يكون جرب القحط شوي

    الكويت تستاهل ننظم حملة نستعيد فيها الكويت من إللي خطفوها ... حملة تعزيز الوطنية ... فيها السني والشيعي والعجمي والعربي والبدوي ... بس ما يكونون إسلاميين أو قبليين ... حملة تكشف للناس إن مافي خرابيط إسمها "الوسطية" عند الإسلاميين ... حملة علشان عيالنا

    زيدون بس تعبت وعورني قلبي ... متى ما تبي خل نجتمع ونرتب حق هالحملة ... ترى والله من صجي

    ... وكاسك

    ReplyDelete
  27. الكويت تستاهل اموالها الفائضة الحالية تأمنها لخمسمئة سنة قادمة
    فيستمر وينمو بلدنا الحلو

    ReplyDelete

Keep it clean, people!