Tuesday, March 06, 2007

مــفــهــوم أمــنــي جــمــيــل

أثناء تواجدي في دبي هذا الأسبوع، لفت انتباهي هذا الإعلان

4 comments:

  1. رائد نهضة البلد ألف كتاب بعنوان رؤيتي...الرجّال عنده رؤية
    خلف الله علينا آخرتنا واحد من ربعنا راح يألف كتاب يسميه لحيتي

    ReplyDelete
  2. آآخ يا دبي .. والله هالديرة سنعة .. بكل شي سنعة .. محد له شغل بالثاني .. قانون ممتاز والأغلبية تحترمه .. شوارع نظيفة .. ناس تفتح النفس .. مؤسسات ووزارات شكلها حلو .. كلشي فيها حلو .. حتى الدينيين فيها حلوين :) قوية صح ؟ :) لا والله يعني الدينيين يمشون بالسوق ومالهم شغل بأحد .. أدري مقهورين وودهم يفجرون نفسهم بوسط العاريات الجميلات اللي بالإمارات مول ومدينة جميرا .. بس الإدارة العليا للإمارة حاطتلهم حدود .. حدود ما يتجاوزونها ..

    المسجد موجود للي يبي يصلي والديسكو موجود للي يبي يرقص ويغني .. كل واحد وكيفة .. كل واحد وهواه ومزاجه وأختيارة .. ماكو شي بفرض وقوة

    شوفوا وايلد وادي وشوفوا الأكوا بارك .. شوفوا فندق كراون بلازا والمعالم القذره اللي يمه من ازدحام ودخان وبيوت مكسرة وعمالة محذفه بكل مكان وشوفوا بعدين جميرا بيتش وشنو يمه .. شوارع ولا أحلى برج العرب ولا أجمل منه بالليل بنورة وتألق ألوانه وآخر شي شوفوا الناس السنعة الحضارية والحلوة اللي بدبي مَرين ..


    السؤال الصعب واللي وايد ناس ينافقون بإجابته ويعيشون جو الحرية المزعومة بالكويت ،، الحرية اللي عالمزاج والدستور اللي فرغوه من محتواه قوى الظلام والتخلف ..

    شنو تختارون ..

    دبي بجمالها وبقوانينها وسياستها الناجحة وبكل اللي فيها من إيجابيات وسلبيات بس بدون حرية الرأي ؟

    ولا الكويت بقبحها وتخلفها وسياستها اللي بدون لا تشكيلة ولا خطة ولا لاعبين وبكل اللي فيها من سلبيات وإيجابيات بس مع حرية الرأي ؟ (طبعا حرية الرأي بالكويت الحين من سيء الى اسوء )


    وأختم كلامي بأجمل ما قاله زايد

    “إن أولى واجبات المواطن أن يعمل ليلاً نهاراً لرفع مستواه وبالتالي رفع مستوى أمته .. ولا يجب أن يقنع هذا المواطن بأنه نال شهادته واستلم منصبه ثم يجلس لا يفعل شيئاً”

    الشيخ زايد بن سلطان آل نهيان رحمة الله عليه

    وبالأخير قبل الختام .. فلافل بطاط ومشكل وزهرة وحلوم ولا أروع باجر بالدوام .. هني وعافية يا شعبي المنتج .. مو تنسون أكلوا ليلا ونهارا عشان ترفعون مستوى أمتكم المنافقة المادية ..

    وسلامتكم

    ReplyDelete
  3. على فكرة.. لم أضع هذه الصورة للمقارنة أو فتح باب التحلطم، فقد تكون هذه الكلمات مجرد شعارات بعيدة عن الواقع والتطبيق

    kuwaitvoice
    سؤالك صعب جداً

    ReplyDelete
  4. لا والله يا زيدون صدقني ان هالشعارات تتطبق بدبي ..

    الصراحه هالصورة تخلي الواحد وغصبا عليه يتحلطم ..

    والسؤال مو إلا أتجاوب عليه :) بس خله مجرد سؤال يخطر بالبال بين فترة وفترة

    ReplyDelete

Keep it clean, people!