Tuesday, August 28, 2007

...اللي يده في الماي

غير اللي يده في النار

الحين توها تتفرغ الحكومة تعالج مشكلة البريد؟ يا حليلهم... لاحظوا انها توصيات فقط، يعني كلام للاستهلاك العام وبعدين ما راح نشوف شي لأن الموضوع ما يعنيهم

أصلاً نسينا ان البريد تعبان لدرجة الضحك في الكويت، لأن الموضوع صار جزء لا يتجزأ من كيان دولتنا.. واللي يبي يبعث رسالة مستعجلة يطرشها مع المندوب أو يوديها البريد وإيده على قلبه

ليس معقولا ان تصل الرسالة من الصفاة الى الوزارة في أسبوع كامل، فضلا عن البطء الشديد في تحويل الرسائل الى الدول الاخرى... داعياً الى ضرورة العمل بالبريد الألكتروني السريع


ها؟؟؟ شنو علاقة البريد الإلكتروني في البطء الشديد في توزيع الرسائل العادية؟؟

8 comments:

  1. related to the subject
    http://www.deera-chat.com/2007/01/04/kuwait-postal-services/

    ReplyDelete
  2. ودي اقول
    لو يلغونه ابرك
    بس صراحه الخدام كاسرين خاطري
    لانه تقريبا هم المستفيدين الوحيدين منه

    لو يخصخصونه
    احسن

    بس عاد شي يفكك من مجلس الامه
    اللي لو ترسي السالفه على سين من الناس ..راح يشلخونه يعني راح يشلخونه

    ReplyDelete
  3. Keep it clean, people!

    هذي انت حاطها و الا من البلوج نفسه؟

    لووول

    حلوة

    ReplyDelete
  4. داعياً الى ضرورة العمل بالبريد الألكتروني السريع


    احنا خل يصير لنا كيبل بروحنا للنت .. ليلحين قاعد نطر كيبلات من الدول اللي حوالينا

    ReplyDelete
  5. KM

    أنا حاطها... بعد مالنا خلق أمن الدولة وطراقات وبهذلة

    ReplyDelete
  6. سلملي على حكومة الاصلاح

    ReplyDelete
  7. من يستخدم البريد هالأيام ؟؟
    تصدق أنه عندي رسالة محتفظ فيها من أيام التسعينات كانت مرسلة من بريد الصفاة إلى حولي ، وصلت أمريكا ، وعليها مكتوب :
    this shouldn't be in the US !!
    أو شيء من هذا القبيل ، ومن يومها وأنا غاسل إيدي من بريد الكويت

    خلك على البريد الإلكتروني السريع أحسن .. لوول

    ReplyDelete
  8. والله انا واحد أشجع اي واحد يبي يشتغل.
    العصيمي كان ممكن يطوفها حاله حال الى سبوقوه بس اهو الحين الى ماسك الوزارة وقاعد يدور الطلايب حق نفسه. واتمنى له كل التوفيق في المهمه الصعبة الى فيها قطاع كامل من وزارة برئاسة وكيل وزارة مساعد تقدم للكويت اسوء خدمة من خدمات الدولة
    انشاءالله

    ReplyDelete

Keep it clean, people!