Saturday, September 24, 2005

رصاصة الرحمة

مؤسسة وطنية كانت في يوم من الأيام محل إعجاب الجميع، كنا عندما نرى ممثليها في الخارج نشعر بنشوة الفخر والإعتزاز.. فقد كانت ترفع راية الكويت عالية

أما اليوم فحالتها يرثى لها، سمعتها وصلت الحضيض، نهشتها أيادي الفساد وعبثت بها الحسابات السياسية، ويهرب موظفيها إلى مؤسسات أخرى منافسة تحت عقود مبرمة لصالحهم وتحترم خبرتهم

مهما قلنا عنها أو تحلطمنا، لا تهون علينا بل نشعر بغصة الحزن عليها كمن يرى أحد أفراد أسرته يسرع إلى هاوية الفشل ويعجز عن إنقاذه. بحت الأصوات وتعبت الأقلام وهي تنادي لإنقاذها لكن لا حياة لمن تنادي

لقد آن الأوان لإطلاق رصاصة الرحمة عليها، وتفكيكها لإنقاذ ما تبقى لديها من سمعة إن وجدت

من هي هذه المؤسسة المنكوبة؟

اضغط هنا

10 comments:

  1. يقال و الله أعلم ان الايدى الخفيه تريد تخصيص المؤسسه بأرخص التكاليفف
    و هناك شخص كبير...اوى أوى
    له يد بالموضوع
    اللى يعرف اسم الشخص له منى ماعون بمبر

    ReplyDelete
  2. بومريوم...بمبر الله يسامحك؟ ما أواطنه ويوم اللي شلعنا شجرة البمبر عقب ما تلفت حوشنا كان يوم الهنا

    ReplyDelete
  3. انا ما عندى مشكله مع التخصيص
    انا ابى اعرف شىء واحد

    الدورات ، البعثات ، المهمات
    كلها كانت على الكويتيه
    حتى عندما توقع على عقد مناقصه فيه نص انك تستعمل الكويتيه لنقل المواد

    فهل سيترك على حاله و تصير الشركه خاصه و عندها زبائن ما يقدرون يهدونها

    ReplyDelete
  4. I'm as patriotic as the next gal, but the day they privatize Kuwait Airways will be a grand feat indeed. It's one of the worse carriers I've ridden and I only take it on business trip because dawamiii yaghsebooona 3alayha.

    ReplyDelete
  5. hahaha! A7la shay the first news item on that page!

    Starts off with -

    Troubled Kuwait Airways Corporation expects its restructuring plan to be delayed by high fuel prices and state- imposed costs, the airlines Chairman said on Sunday.

    ReplyDelete
  6. زيدون الله يلوم اللي يلومك و صح لسانك صج مب بس انتو في الكويت حتى احنا في البحرين كانت عندنا شركة طيران كنا و اعيد مرة ثانية كنا نباهي فيها و لكن الحين شحالتها .. عرفتها .. طيران الخليج هالشركة اللي اول كانت مثال للخدمات الممتازة الحين صارت مثل للتاخير و التبهدل و الخدمات الرديئة و الحين مب بس الكويتية و حتى طيران الخليج قاعدين يمرون في اتنك و اخس فترة بعد ما مرت في الثمانينات بعصرها الذهبي لكن بعد شتقول احنا ناذن في خرابة و الشكوى لغير الله مذلة و اكبر دليل ان قطر و ابوظبي انسحبو من طيران الخليج عقب ما لاعت جبدهم و وصلو لي نتيجة ان ما في فايدة يستثمرون في شركة ما وراها الا الخساير و هم عندهم شركات طيران ناشئة تقدم خدمات احسن بوايد من اللي تقدهما طيران الخليج و انصحك بقراية المقال اللي كتبه سلمان بن صقر في جريدة الوسط يوم الخميس 15-9 اللي عن طيران الخليج.. و بالنهاية مسامحة على الاطالة و التحلطم :)

    ReplyDelete
  7. متفرغ

    قبل اسبوعين رحت البحرين ليلة وحدة على طيران الخليج، ما كانت بطالة وطارت على الموعد... بس المضيفات لك عليهم


    esetch..

    لما تقول يومها قريب، قصدك إنها راح تعيد أمجادها ولا قصدك إنه دنى زوالها؟

    ReplyDelete
  8. سؤال..هل تسمح قوانين الطيران الدوليه للمضيف بالمغازل على ارتفاعات عاليه؟

    ReplyDelete
  9. بومريوم
    في الصيف الماضي( دش عندنا الخريف ما ادري عنكم) جدامي امرأة مسكينة تجر شنطتها و المضيف يراقب و لا كأنه يشوف
    ارفعتها علشان تحطها في ال

    overhead compartment

    و مسكينة ما اقدرت
    الاخ بس خيال ماته...ساعدوها الركاب

    شوي و الا وحدة بنت في مقتبل العمر ...نفس السالفة..بس هالمرة الاخ تطوع وده يشيلها هي و يقعدها مكانها...المرأة الكبيرة قالت : اييي احنا ما نعجب!!
    :)

    اعتقد ان المغازل يدرس في دورات الكويتية...و شرط لاجتياز اختبارات القبول فيها

    ودي ما اعمم...الاغلبية اييي الاغلبية
    ;)

    زين بالنسبة للجائزة ممكن كنار بدال
    البمبر؟

    Zaydoun, shlonek?

    ReplyDelete
  10. nychick

    تمام... يا القاطعة

    ;-)

    ReplyDelete

Keep it clean, people!