Tuesday, June 06, 2006

بــجَــم أقــول؟؟



كفو والله يا عيال الفحيحيل ويا مجموعة شباب ضد الفساد

نبي من هذه الإعلانات في دائرتنا التاسعة، وكذلك كل الدوائر... بس وين نحطهم واعلانات المرشحين تارسة الشوارع والأرصفة... ماكو حتى مَقز إبرة؟؟؟


مساء الثلاثاء في السنين الأخيرة أصبح مخصصاً لدى الكثير لإرتياد المطاعم الكشخة، والفرجة على بنات وشباب الكويت بكامل كشختهم وآخر فناتكهم

الليلة، بدلاً من المطاعم والمغازَل، اذهبوا لزيارة المقر الإنتخابي للسيد عبدالوهاب الهارون في الساعة الثامنة والنصف في ضاحية عبدالله السالم لحضور ندوة بعنوان الفساد... الى متى؟

7 comments:

  1. very effective... 3uqbal shabab "nabeeha 5"

    ReplyDelete
  2. اذا بتكون موجود أحضر

    ReplyDelete
  3. والله تمنيت نفس الأمنية لما شفت الصور بالجرايد .. وياريت نكثر منهم في الجابرية / السرة / العديلية/ عشان نكسر عين الحول بو 2000 دينار للصوت

    والله انه اذا دخل المجلس راح يصير فيني شي

    ReplyDelete
  4. مطقوق

    ما طلعت من الدوام إلا الساعة 8.30 بالليل ومن التعب ما اشوف جدامي

    ReplyDelete
  5. زيدون

    الحركات هذي حلوة

    لكن


    لما تكون الاسماء, وأقصد فيها اسماء المنظمين لهذي الحملات إللي ضد الفساد وضد البيع والشراء وضد الرشاوي وضد البطاط والبفك

    إهني ممكن الشعب يصدق بإن فيه فعلا ناس همها البلد وتخاف عليه وتبي مصلحته

    لكن

    لما تكون الأسماء مستترة, فهذا يترك طعش مليون علامة إستفهام على الحركة

    أعتقد بان قصدي واضح


    تحياتي

    ReplyDelete
  6. لمياء

    طولي بالك معاي ووضحي كلامك أكثر، ترى مو دايماً أصيدها وهي طايرة

    ReplyDelete
  7. انا كنت اهناك و من اللجنه المنظمه بعد
    وايد زحمه
    لان الموقع شغير مقارنه بالحضور

    حر
    رطووبه
    المكيف على الماي ما لحق

    وحده من البنات الي ياييه تقززز مسكينه ما مدها ادخلت الا و اغمى عليها من الحر
    و شالوها البنات و الشباب

    و الامن مستتب كان
    الشباب و البنات فاجين البلوتوث
    قززززززز

    عبدالوهاب الهارون كان يتكلم بالسياسه و الفساد السياسي
    و الشياب متابعين و الحريم يالله من فضلك
    اشلووووونكم واااااااي ضاعفه
    اشحلاااتج

    تبون الصج كان المفروض تكون خيمه منفصله لان بعض الحريم فشلونا جدام الرياييل
    و كان في كثير من الشباب مو عاجبهم الخلط
    فقاموا و تابعو برا من غير ما يدشون داخل

    مستحين من الحريم
    والله اكبروا في عيني كثير من الشباب
    امس

    ReplyDelete

Keep it clean, people!