Thursday, December 13, 2007

الكويت في خارطة السياحة العالمية

أصدرت صحيفة النيويورك تايمز ملحقها السنوي الخاص بالسياحة والسفر لعام 2008 واقترحت فيه 53 دولة ومدينة يجب زيارتهم في السنة القادمة، أي وجهة لكل أسبوع من السنة (2008 سنة كبيسة)

الوجهة رقم 32.. مدينة الكويت!!! ربما نحتاج لعيون أجنبية لنتعرف على بلدنا، وربما يرى الأجانب ما لا نراه نحن

ما رأيكم؟

15 comments:

  1. طول ما الكويت فيها شغلات مو موجوده بمكان ثاني اذا هي دوله سياحية

    ReplyDelete
  2. I enjoy being in Kuwait .. we have good beaches, very nice "private activities" , nice old souk and some good shopping.

    But if you are coming from the west one might have lots of fun in Kuwait if their embassy is an active one.

    I would say its a one week vacation for Kuwait.

    ReplyDelete
  3. معلش بس من صيغة الخبر...يبدو أن شركة الطيران الأمريكية يونايتد لها يد بالمسألة و خاصة بعد تدشين الخط المباشر مع الكويت

    صالة أفراح - عفوا فندق - ميسونى سمعنه عنه من ست سنوات يمكن...وينه بالضبط و هل هو فندق حقيقى أو بوتيك هوتيل بو ست غرف تحتاج لواسطة من الناتو حتى تشم ريحتها؟

    ترتيب الكويت قبل فيجاس و فريسكو و أن واى...ودى أصدق والله...بس تو سترونج...وااااى توو ستروونج


    أشوه ليبيا بالمركز العاشر...إتوقعت بالمركز الأول

    نتمنى إنشوف الخرطوم قريبا...خاصة مع إفتتاح ( تيدى بير لاند ) قريبا عندهم

    و الرياض لازم إتكون محطة سياحية...(بارتى تاون) الصراحة

    ReplyDelete
  4. الخبر تجاري بحت أكثر من انه تقرير جريب من الحقيقة

    ReplyDelete
  5. exactly

    they see things we don't see .. actually i saw things i never knew existed in kuwait if it wasn't for my college friends visiting

    although i think we need more touristic activities like the bedouin night in the desert to make use of a week long visit which is more than enough to cover kuwait

    ReplyDelete
  6. شركة اليونايتد خلت رحلاتها الى الكويت يوميا

    اعتقد لهذا السبب حطو الكويت بالقائمه

    ReplyDelete
  7. سيبك من الكويت . . إيراااااااااان ؟؟؟؟

    لما إعلامهم(كان؟) شغال في مسألة ضرب إيران المحتمل على أساس تكون آخر إنجازات الإمبراطور بوش ؟ كيف يسوقونها كوجهة سياحية ؟؟

    هممممممم؟؟ :I

    الوجهة 13 طبعاً . .

    Gerrrrr.MAN cowboys Island !

    YEEEHHHAAAAAA! :)


    و أكيد .. برازييييييلياااااا

    حبي الكبيرررررررر


    أنا آخر مرة زرت الكويت كانت تقريبا في الثمانينات أيام كنت كلبوزة صغيرونة لووول و ما أذكر شي صراحه بس من كلام الناس الي عندي البلد جدا جميلة . .

    أفكر أزورها قريب بس ما بقول إمتى عشان محد فيكم ينطرني في المطار


    أخاف تطقوني :I


    من اللي أسويه فيكم هني ( رزالتي ).. لووول

    :)

    ReplyDelete
  8. زيدون ترى الكويت دخلت خارطة السياحة العالمية من بعد ما فتحوا ذا افنيوز العريق
    وخصوصاً لان يطل على الرابيه (:

    بوصالح
    تقصد الشغلات الحلوة إلي مصورها بمدونتي؟ (:

    ReplyDelete
  9. يونايتد زادت رحلاتها لخدمه احتياجات الحكومه الامريكيه ( احتياجات العراق ) ، من موظفين و جنود .
    مراسل النيويورك تايمز الذي وضع الكويت في تلك المرتبه المتقدمه في تقديري لا بد ان الاخوه في و زارة الاعلام قد دهنوا سيره. .

    ReplyDelete
  10. بوصالح صاحب اول تعليق اختصر الكثير من اللي بقوله

    فا الى المتشائمين و المعتقدين ان الكويت مو وجهة سياحية اقولهم التالي

    ان تكون الكويت دولة جاذبه للسياح،، صحيح امر قد يكون بعيد عن الواقع و الدليل عدد السياح الزائرين للكويت و حسب وجهة نظري "الغير مبنية على ارقام واقعية" غالبيتهم عربوو و من جيراننا الخليجيين ،، و مسألة يونايتد و خطها للكويت ما استبعد هالعامل بعد لكن

    عندنا "لا تظحكون" اماكن حلوة و الكويت حلوة بتكلم عن جزء من مكان واحد

    بالنسبة لفندق ميسوني من المتوقع يبين بنص سنة 2008 طول بالك يا بو جيج و خل نشوف

    المباركية:
    مكان داثر و حلو يجمع بين الحديث و القديم المسقف للحينه موجود و ان طفته شوي بتلاقي فيلا مودا و قبلهم البنك الوطني بمبناه الانيق و جباله اسواق شعبية قديمه ، الخلط بين الحداثة و القدم و الغالي و الرخيص بمسافة لا تتعدى ال10 كيلو مترات ترى شي حلو ،، و امش شوي اطلع من صوب مبنى البترول الوطنية و رد اخذ يمين و اتمر على المدرسة المباركية اللي اهي الحين مكان لنادي السينما الكويتي جدم شوي تعدى مطعم العقل و لا تقولون محد كلى منه! اتوقع الكل جربه مكانه حد اللوية بس يونس اخذ و امش و انت بالسيارة،، سمة المطاعم العربية السريعة

    كمل جدام تقاطع يجمع مباني رائعة بالكويت يسارك المسجد الكبير و بوادر مكتبة البابطين للشعر العربي و على يمينك مبنى البورصة الكويتية

    اخذ يمين قبل الاشارة من اللفة الفرعية و اتشوف مبنى البنك التجاري بعدين بنك الخليج والمقاهي الحديثة بينهم اللي تتسم بالهدوء و اجتماع البلوجرز في اول عطله اسبوعية من كل شهر

    بعد بنك الخليج اخذ يمين و دش بعد دخلة مسافط سوق المناخ جدام شوي عندك مجمع عيد النصار و اللوية اللي يمه محلات عطورات تقليدية و ذهب و مكان حلو للتمشي لان يمه سوق المباركية الجديد اللي فيه محل اللي يشوي السمك بشكل مو طبيعي و تشوف فيه ساعات عيال الطبقة المخملية

    ما تكلمت عن مباني و مقاهي و جمال معماري و اسواق اثرية و بس!! انا تكلمك عن نقطة من الكويت منطقة اثرية صغيره اعشق فيها مكتبة الكويت الوطنية و مكتبة داوود المدعوسة و دار قرطاس للنشر اللي هم مدعوسه يمهم بسسك و طرق يحلى فيها المشي بهالجو

    الكويت جوها حار و جاف و قاسي معظم ايام السنة و الكويت فيها تحفظات كثيرة اذا بنشوفها من ناحية سياحية اجنبية منفتحه و لكنها الكويت !! هذا اللي محليها و من صديقة نص بريطانيه و نص بحرينية يعني بالدولتين اللي تنتمي لهم تعرف الانفتاح عربيا و غريبا زارتنا قبل شهر تقول انها تحب الكويت دولة سباقة بالحريات "على مستوى الخليج" بنفس الوقت محافظة على اسلامها و ما تسمح بالكثير من الاشياء اللي قد لا ترغب البعض فيها ولكن

    its a beautiful sober country

    الكويت حلوه و فيها اشياء اكثر تميزها لو بكتب بكتب مقالة اطول من اللي انت كاتبه زيدون

    as if i didn't so far!!

    exotic destinations is what tourists seek, especially in foreign cultures, the simplicity of Kuwait made it so lovely in their eyes "speaking from an experience of a few people i know" i could be right or wrong, but i sure do know & believe that Kuwait is a country worth visiting

    ReplyDelete
  11. Did you also notice that Iran and Libya are on that list?

    [thinking pose]

    ReplyDelete
  12. ايران: مهما اختلفت معها أمريكا تبقى ايران دولة جميلة فيها الكثير من المواقع التاريخية والطبيعة الخلابة

    ليبيا: كيلومترات من الشواطيء البيضاء والبحر الأزرق لم تلمسها يد السياحة بعد

    بس لو ما الحكام

    ReplyDelete
  13. ليبيا حلوة و فيها مدن تاريخيه من الحضاره اليونانية...بلد جميل بس الشعب الليبي طباعه تشابه طباع الشعب الكويتي وايد...شعب طيب لكن غير سياحي!

    شكرا اخ زيدون..خبر لطيف :)

    ReplyDelete

Keep it clean, people!